Tartelettes tomates mozzarella

Soumis par Andry Mamina le dim, 08/07/2016 - 05:25
759

TARTELETTES TOMATES MOZZARRELLA"
 
ZAVATRA ILAINA
pâte feuilletée  (efa vonona)
voatabia “cérises” ilay madinika raha misy 
tongolo “échalottes”
basilika sy thym kely
moutarde 
menaka oliva
sira, dipoavatra
mozzarella 

FIKARAKARANA:

- velarina ny paty dia tapahana boribory amin'ny "emporte pièce" 10cm: lehibe kokoa noho ny lavaka, apetraka ambony lasitra ary tsindronina tsirairay amin'ny "fourchette".
- raha ilay mozzarella kely dia zaraina 2 fotsiny fa raha ilay lehibe dia tetehina madinika.
- Tetehina ny voatabia rehefa voasasa madio.
- Tetehana manify ny tongolo  
- androtsahana “moutarde” 1 sotrokely isan-davaka misy ny “pate feuilleté” dia lalorina tsara
- alahatra mielanelana ny voatabia sy ny mozzarella ary ilay tongolo, asiana sira , dipoavatra ary basilika sy thym 
- tondrahana menaka oliva kely isaky ny  "tartelette". 

FAHANDRO AZY: efa nafanaina mialoha hatrany ny lafaoro na gasy na vazaha
- Lafaoro gasy : izany hoe vilany asiana fasika dia hafanaina amin'ny afo malefaka ao ambany ary avadika ny sarombilany dia asiana afo bebe kosa eo ambony . 
- Lafaoro vazaha : Atsofoka anaty lafaoro 200°C mandritry ny 15 minitra. 

NB: raha tsy misy mozzarella dia azo atao tartelette fromazy na jambon na koa zavatra hafa efa massa rehetra: trondro na akoho na hena izay tiana, mety koa ny legioma efa masaka
mazotoa o 

Nahandron'i Lova Petit Rama – Graine de faim kely 

 

Catégorie: 
sakafo