Kaofitiora voatabia

KAOFITIORA VOATABIA - confiture tomate 
 

ZAVATRA ILAINA :
- voatabia 1kg
- siramamy 1kg
- lavanila tahony 2 (na kanelina) izay tianao

FIKARAKARANA  AZY:

• Fomba 1 (nataoko teto) :

- Voasana ilay voadabia ( ny ahy tsy novoasana) dia esorina ny voany 
- ampangotrahana tsara
- arotsaka avy eo ny siramamy sy lavanila, avela mangotraka, mila aroina matetika mba tsy hiraikitra amin'ny vody vilany.
- Rehefa hitanao fa marihitra ilay izy dia masaka izy izay.

• Fomba 2 (tsy mbola nataoko) :

- tapahana efamira madinika ny voatabia rehefa avy novoasana
- afangaro aminy ny siramamy sy lavanila na hanitra izay tiana
- avela milona anaty vata fampangatsiahana mandritra 12ora
- aorian'izay dia ampangotrahina 10 na 15minitra eo dia efa mety haroso

NB: raha tiana hotehirizina izy dia tsara kokoa iny vao vita iny sy mbola mafana no atao anaty "bocal" saromana tsara dia ampangotrahana anaty rano mangotraka.

Esorina dia ahohoka ( ny vavan'ny "bocal" no atao ambany) mandra-pangatsiakany tsara. Maharitra be io raha toa ka tsy mbola nisokatra.

Mazotoa o

nahandron'i ‪Tatiana‬ Sam Mboty